бичлэг
Усан үзэм. Та урьд өмнө нь усан үзмийн дэглэм барьж үзсэн үү. Тэгвэл усан үзмийг ихээр хэрэглэх нь өөхийг хамгийн амархан хайлуулдаг гэсэн сонирхолтой судалгаа байдаг юм байна. Энэ судалгааг 2004 онд Калифорнийн Стриппс клиникт хийсэн аж. Судлаачид хүн усан үзэм, түүнээс гаргаж авсан нэмэлт бүтээгдэхүүн, шүүс зэргийг хэрэглэх үеийн нөлөөг харьцуулан үзжээ. Судалгаагаар дээрх гурван бүтээгдэхүүн гурвуулаа хүний жин хасахад эерэг нөлөө үзүүлдэг нь батлагдсан бөгөөд үүн дотор цэвэр усан үзэм хамгийн сайн үр дүнтэй нь байжээ. Механизм нь яг нарийн тогтоогдоогүй боловч ямар ч байсан дээрх үр дүн гарсан байжээ. Дашрамд хэлэхэд, усан үзэм нь хавдрын эсрэг үйлдэлтэй лиминойд, ликопин зэргийг агуулдаг бөгөөд улаан усан үзэм нь цусны триглицеридийг бууруулдаг ач тустай юм байна.
Сардин. Сардин нь бүх цаг үед эрүүл мэндэд хамгийн ач тустай хүнс байсаар ирсэн бөгөөд жин хасахад ч бас тусалдаг. Юуны өмнө сардин нь уургаар баялаг хүнс болохоор цусан дахь саахарын хэмжээг тогтворжуулж, бодисын солилцоог эрчимжүүлдэг байна. Мөн Омега-3-аар баялаг бөгөөд зүрх судасны системийг идэвхжүүлээд зогсохгүй оюун ухааныг сайжруулдаг аж.
Хулуу. Хулуу нь хүнсний ширхэглэгээр баялаг ба энэ нь биеийн жингээ хэвийн хэмжээнд байлгахад ач тустай бүтээгдэхүүн юм байна. Мөн хэрэглэхэд хамгийн хялбар хүнс юм.
Үхрийн мах. Мах нь нилдээ уураг тул жин хасахад сайн нөлөө үзүүлдэг байна. Учир нь уураг нь бодисын солилцоог идэвхжүүлж, удаан хугацаанд цадсан мэт мэдрэмжийг хүнд төрүүлдэг бөгөөд ингэснээр хэт их идэхээс сэргийлдэг байна. Мөн мах нь омега-3 тосны хүчлийг ихээр агуулдаг тул хүнд олон төрлийн ач тустай аж.
Ногоон цай. Байгалийн гаралтай жин хасагчийг нэрлэ гэвэл ногоон цайг хамгийн түрүүнд хэлэх хэрэгтэй. Учир нь ногоон цайнд антиоксидант ихээр агуулагддаг тул хавдраас сэргийлдэг төдийгүй, зүрх судас, хоол боловсруулалтыг дэмждэг, мөн биеийн температур болон цусны чихрийг зохицуулж чаддаг гайхалтай бүтээгдэхүүн юм. Мөн бодисын солилцоо, өөх тосны исэлдэлтийг сайжруулснаар биеийн жинг бууруулдаг байна. Харин энэ үр дүнг нь харахын тулд өдөр бүр уух хэрэгтэй юм байна. Судалгаагаар хүн өдөрт таван аяга ногоон цай ууснаар өөхөө хайлуулж болох аж. Нэмж хэлэхэд ногоон цайн дахь теанин нь хүнийг стрессээс гаргах чадалтай аж.
